خلاص وش عاد باقي يانظر عيني...

خلاص وش عاد باقي يانظر عيني

بكره بسافر ولاظنيت به جيه

بمشي مع اليل والغربه عناويني

ماودي ارحل بس صارت النيه

بودعك والمدامع منك تبكيني

بالموقف الي به الكلمات عفويه

بودعك والمشاعر بك تعزيني

في دفنة الحب وقلوب الهوى حيه

سالم من الدمع به شي معنيني

واحلى اليال كما الصفحات مرويه

والي من الهم فيني منك يكفيني

حل الفراق وليال الحب منسيه

باخذ معي صورتك يمكن تسليني

وقصايد الحب في شارعك مرميه

وانقش حروف اسمك في قلبي وبيديني

واكتب قصيد ه واسميها الوداعيه

إن كان في هجري لقيت السعادة

والله لعطيك السعادة بيمناك

وودعك وأنا قوي الإرادة

ولا يهزني مع ساير الوقت ذكراك

ماخذت أنا طرد المقفين عاده

دامه تغير مع قسا الوقت مبداك

عزيت عين ٍ ما غفت بالوسادة

وعزيت ليل ٍ مايجي فيه طرياك

وعزيت قلب ٍ ما تحقق مراده

وعزيت نفس ٍ ما تهنت بشرواك

قلبي قطع رجواه وأعلن حداده

ولا بد مايسلى مع الوقت ونساك

وعطيك من ذكراه باقي رماده

وباقي جروح ٍ تنزف الحزن لرضاك

معاد لي بالهجر صبر وجلاده

بس أعذرني لا ترجيت فرقاك
خذ ذكرياتك حبنا اليوم خسران

حنا ظلمنا الحـب بأول طلوعه

هذي نهايتها جروح ٍ وحرمان

ضاقت على قلب ٍ ضنونه تروعه

يكفي ترى ماعدت أنا اتحمل اشجان

يكفي من اللي صار نفسي قنوعه

بودعك قانع وماني بندمان

ومافات مات وصـعب والله رجوعه

بودعك وداع ٍ مابعدة رجوعي

حتى إذا مت لا تجي على ترابي

وإذا أسألوك الناس عن كل أوراقي

أرجوك وأرجوك انك تحفظي كتابي

أبغيها تصفى لك الدنيا ومافيها

بقول لك ليه ..........لأنك كل أحبابي

» تصـمـيـم || خلاص اليوم قررت انحسب ||..